የስነ-ጥበብ የአገልግሎት ክፍል የጽዮን ድምጽ አገልግሎት ሁለተኛው ክንፍ ሲሆን ሰፊ እና ዘርፈ ብዙ የአገግሎት ኃላፊነቶች የያዘ ነው። የአገልግሎት ክፍሉ ግጥም፣ ድራማ፣ ስዕል፣ ማይም፣ የተለያዩ እንቅስቃሴዎችን እና አገልግሎቶችን ያካትታል። የመሳሰሉትን ልዩ የጥበብ አገልግሎቶችን ያካትታል።

መፅሐፍ ቅዱሳችን በውስጡ ብዙ ስነ-ጥበባዊ መልዕክቶችን የያዘ ሲሆን በዋናነት በትንቢታዊ አገልግሎት ውስጥ ጉልህ በሆነ ሚና ሲገለጥ እናስተውለዋለን። መንፈስ ቅዱስ ይህን ጸጋ ልዩ በሆነ መንገድ ትውልድን የሚመጣውን ዘመን ለማመልከት፣ ለማጽናናት፣ ለመምከር እና ቅዱሳንን ለማጽናት ይጠቀምበታል።

የስነ-ጥበብ አገልግሎት የእግዚአብሔር _ መንግስትን እውነታዎች ምሳሌያዊ፣ ቀላል፣ ተግባራዊ ሊሆን በሚችል እና ነገን አመልካች በሆነ መንገድ በቅዱሳን ሕይወት ውስጥ የማስረጽ ወይም የመመስረት ከፍተኛ አቅም አለው። ይህን ለመረዳት የብሉይ ኪዳንን እና የአዲስ ኪዳንን መገለጥ መመልከት ይቻላል። እግዚአብሔር በአዲስ ኪዳን የሚገለጠውን የክርስቶስን መልክ በሚገባ መረዳት እንድንችል በብሉይ ኪዳን ውስጥ በምሳሌነት እና በጥላነት የገለጠበት መንገድ ፍጹም አስደናቂ እና ጥልቅ ጥበብ የታየበት ነው፡፡ ይህም የአገልግሎት ክፍል በተመሳሳይ መልኩ ልዩ በሆነ ጥበብ የሰማያዊውን መንግስት ሕይወት እና ክብር ለቅዱሳን የመግለጥ ኃላፊነትን ተሸክሟል። ይህም የማይታየውን የማሳየት፣ የነገውን ዛሬ የመግለጥ፣ እውነትን በምሳሌ የማስረዳት አስደናቂ ትንቢታዊ አገልግሎት ነው፡፡